Арыгы содулуттан доҕорун сүгэнэн өлөрбүт эр киһи сууттанна

Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда.

Быһылаан бу сыл атырдьах ыйыгар гарааска итирик сылдьан этиһии кэмигэр тахсыбыт. Суут киһини кытаанах эрэсиимнээх холоунньаҕа 8 сылга көҥүлүн быһан, эбии  биир сылга көҥүлүн быһарга уураахтаата.

Дьыала матырыйаалларыттан көстөрүнэн, эр киһи билэр киһитин кытта Ньурба оройуонун биир сэлиэнньэтин гарааһыгар арыгылаабыттар. Арыгылыы олорон кинилэр икки ардыларыгар этиһии тахсыбыт, онтон сылтаан буруйданааччы сүгэни харбаан ылан, доҕорун сүгэнэн төбөҕө охсубут. Ылбыт ыар эчэйиититтэнэмсэҕэлээччи Ньурбатааҕы киин оройуон балыыһатын реанимациятыгар тыына быстыбыт.

Суукка буруйданааччы буруйун сорҕотун билиммит. Кини доҕорун өлөрүөн баҕарбатаҕын, бу алдьархайдаах түбэлтэ сыыһа-халты тахсыбытыттан быһаарбыт. Кини этэринэн, сиэртибэни уоскутаары санныгар охсоору гыммыт да, төбөҕө охсубут. Суут сууттанааччы дьайыыларын РФ Холуобунай кодексатын 105-с ыстатыйатын 1-кы чааһынан (өлөрүү, ол эбэтэр киһини соруйан өлүүгэ тиэрдии) сыаналаата. Ньурба оройуонун суута таһаарбыт бириигэбэрэ сокуоннай күүһүгэр киирэ илик.