Ньурба олохтооҕо ГАИ үлэһитин үөхпүт

Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр.

Саха сиригэр ааспыт сууккаҕа биэс буруйу оҥоруу бэлиэммит.

Киин куоракка дьиэ тиэргэниттэн портативнай гарааһы уорбуттар. Икки киһи түөкүттэр угаайыларыгар киирэн биэрбит, уопсай хоромньу — 1 мөл.солк. тахса. Түөкүттэр удамыр сыанаҕа хамсаабат баайы-дуолу атыылыыбыт диэн, дьон харчытын суйдаабыттар.

Нерюнгрига эр киһи онлайн табаар сакаастаары, 155 тыһ.солк. албыннаппыт.

Суукка устата алта итирик суоппар тутуллубут.