Ньурба олохтооҕо икки киһи тыыныгар туран сууттаныа

Саха Өрөспүүбүлүкэтин борокуратуурата Ньурба оройуонун олохтооҕун холуобунай дьыалаҕа буруйдуур түмүктэрин бигэргэттэ. Кини РФ Холуобунай кодексын 105 ыстатыйатын 2 чааһын «а» пуунунан уонна 116.1ыстатыйатын 2 чааһынан буруйданна.

Бу туһунан СӨ Борокуратуурата иһитиннэрэр.

Сэлиэстийэ быһаарбытынан, 2022 с. сэтинньи ыйыгар буруйданааччы Ньурба куоратын биир дьиэтигэр олорон, итирэн баран аймаҕын кырбаабыт. Салгыы эмиэ бу ыйга 2022 с. итирик сылдьан, аймаҕа киһи гражданскай ойоҕун кытары кыбартыыраларыттан үүрбүттэрин уонна кинилэри кытары бииргэ олорору боппуттарын иһин, өлөрөргө соруммут.

Буруйданааччы аймаҕын олоппоһунан охсубут, эмсэҕэллээччи охтон истэҕинэ быһаҕы ылан 10-н кырата суохта охсуталаабыт. Ол кэннэ бу быһаҕынан дьахтары түөһүнэн түөртэ охсубут. Быһылаан түмүгэр, эмсэҕэлээччилэр ыарахан эт-хаан эчэйиитин ыланнар тута өлбүттэр.

Буруйдааһын түмүгэ бигэргэтиллибитин кэннэ холуобунай дьыаланы Саха Өрөспүүбүлүкэтин борокуратуурата өрөспүүбүлүкэ Үрдүкү Суутугар ыытта.

Буруйданааччы Ньурба улууһун 47 саастаах хаста даҕаны сууттана сылдьыбыт олохтоооҕо РФ Холуобунай кодексын икки ыстатыйатынан буруйданар.