Ньурба олохтооҕо утуйан хаалан, харчытын уордарбыт

Ньурба полициятын дьуһуурунай чааһыгар олохтоох киһи 70 тыһ.солк. уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Суһал-ирдиир тэрээһиннэр ыытыллан, холуобунай ирдэбил үлэһиттэрэ 42 саастаах уорбаланааччыны быһаардылар.

Быһаарыллыбытынан, эмсэҕэлээччи доҕотторугар олорон аһыы утах испит, онно уорбаланааччы эмиэ баар эбит. Эмсэҕэлээччи утуйбутун туһанан, уорбаланааччы мобильнай баантан харчыны бэйэтигэр ыыппыт. Ол харчыны тус наадаларыгар бараабыт.

«Уоруу» диэн ыстатыйанан холуобунай дьыала тэрилиннэ.