Сахагов
Ньурба оройуонун Маалыкай уонна Хатыы сэлиэнньэлэригэр “Саха сүөһүтэ” генофонда хааһына тэрилтэтэ сылгы баазаларын арыйда. Манна ураты Мэҥэдьэк боруода сылгылары иитиэхтэрэ. Бу туһунан Саха сирин Ил Дархана Айсен Николаев иһитиннэрдэ.
“Ньурба оройуонугар бөдөҥ көрүҥнээх, ыйааһыннаах Мэгэдьэк боруода ураты сылгытын иитэллэр. Бу күннэргэ Маалыкайга уонна Хатыыга сылгы баазаларын арыйдылр. Бүгүн бу баазаларга 190-ча сылгы турар. “Саха сүөһүтэ” тэрилтэ өрөспүүбүлүкэни төрүттээччилэртэн биирдэстэрин Степан Васильев аатын сүгэр Ньурбатааҕы салаатыгар туһааннаах боруода 500 кэриҥэ сылгыта иитиллэр”, — диэтэ Айсен Николаев.
“Мэҥэдьэк” отделениетыгар түөрт звенолаах. Бу звенолар Бордоҥ, Малдьаҕар, Мэҥэдьэк нэһилиэктэригэр бааллар. Итилэртэн биирдэстэрэ Маалыкайтан 4 км турар “Мондуку”. Манна сылгыһыттар дьиэни, гарааһы, баанньыгы, хаһааны туттулар.
Ону тэҥэ Хатыы сэлиэнньэтиттэн 40 км тэйиччи сиргэ “Дуолукаан” саҥа сылгы базатын ыччат сылгыга анаан арыйдылар.
2011 сыллаахха Мэҥэдьэк боруодатын “Селекция ситиһиилэрин чинчийиигэ уонна харыстааһыҥҥа Арассыыйа Федерациятын судаарыстыбаннай хамыыһыйата” тэрилтэ бигэргэппитэ. Бу боруоданы таһаарыыга Кузнецкайдааҕы сылгы дьоһун оруоллаах. 50-с сылларга Мэҥэдьэк боруода сылгыларга нуучча тяжеловозтарын хаанын холбообуттара.
“Саха сүөһүтэ” ГКП саха боруода сүөһүтүн үөскэтиигэ анаан 2019 с. Саха сирин баһылыгын Айсен Николаев көҕүлээһининэн тэриллибитэ. Бүгүн оройуоннарга хайы-үйэ 10 отделениелаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…