СӨ борокуратуратын хаартыската
«Новости Якутии» ТГ-ханаалга суруллубутунан, Ньурба куоратын М.С.Егоров аатынан 2 №-дээх оскуолатыгар киирии ааҥҥа үөрүнэн ыт мустан дьон киирэрин-тахсарын харгыстыыр буолбуттар.
Ньурба улууһун борокуратуурата бу дьыала тула бэрэбиэркэ ыыппыт. Үөрүнэн ыт оҕоҕо-урууга олус сэрэхтээх буолбут. Маны сэргэ, бэрэбиэркэ түмүгүнэн биллибитэ, улууска хаһаайына суох ыттары тутар ирдэбилгэ эппиэттиир пуун суоҕа биллибит. Билиҥҥитэ үлэлиир пуун күрүөтэ-хаһаата, ыттары хаайар вольердара, ыты күүлэйдэтэр анал былаһаакката суох эбит. СӨ борокуратууратын пресс-сулууспата иһитиннэрбитинэн, пуун сыыһаларын-халтыларын туоратар туһунан суругу улуус борокуратуурата суукка тиэрдибит. Ол курдук СӨ Бэтэринээрийэ Департаменыгар бэйдиэ сылдьар ыттарга аналлаах приюту тэрийэр туһунан этиллибит. Билигин сурук көрүүгэ уонна хонтуруолга сылдьар.
Бу туһунан Ньурба улууһун 2 №-дээх оскуолатын дириэктэрэ Игорь Иванович Тимофеев санаатын үллэһиннэ:
— Оскуолабыт киирэр аанын иннигэр элбэх ыт мустубутун туһунан сурах ити тохсунньу ыйга буолбута. Оҕотун оскуолаҕа аҕалбыт төрөппүт хаартыскаҕа түһэрбит этэ. Ол күн тута оскуолабыт вахтера биир кэлим диспиэччэр сулууспатыгар сибээскэ тахсан тыһы ыты батыһан кэлбит үөр ыты тутар туһунан сайаапка түһэрбитэ. Ыты тутааччылар кэлиилэригэр үөр ыт номнуо оскуола инниттэн барбыт этэ. Онон куораты кэрийэн ыттары батыһыннара сылдьар тыһы ыты тутан пууҥҥа илдьибиттэрэ. Бу кэнниттэн биһиги оскуолабыт оҕолоругар ким төһө дьиэ кыылын, ыты куоскааны иитэрин билээри мониторинг оҥорбуппут. Оскуолабытыгар уопсайа 574 оҕо үөрэнэр. Мониторинг түмүгүнэн 350 оҕо ыты, куосканы иитэрэ биллибитэ. Хас биирдии ыт хаһаайыннаах, онон хас биирдии хаһаайын ытын баайар буоллаҕына, оҕолору батыһан ыттар оскуолаҕа кэлбэттэр. Бу дьыала тула улууспут борокуратууратыгар мунньах буолбута. Ыттар кимнээҕи батыһан кэлбиттэрин видео нөҥүө көрөн быһаарбыттара. Оҕолорго сэрэтэр үлэ ыытыллыбыта. Ол курдук ыты, куосканы көрүүгэ-харайыыга эппиэтинэстээх буолуу туһунан үлэ кэпсэтии, бэсиэдэ нөҥүө оҥоһуллубута.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…