Салгыы
Ньурба пааркатыгар буойуттар оҕолоругар сайыҥҥы сынньалаҥ «Смарт» кулууба аһылынна

Ньурба пааркатыгар буойуттар оҕолоругар сайыҥҥы сынньалаҥ «Смарт» кулууба аһылынна

Ааптар:
06.06.2023, 18:00
Хаартыска: "Смарт" кулууп архыыбыттан.
Бөлөххө киир:

Ньурбаҕа психологическай көмө киинин психологтарын уонна байыаннай сулууспалаахтар кэргэттэрин көҕүлээһиннэринэн, буойуттар оҕолоругар анаан күнүскү кэмҥэ үлэлиир «Смарт» сайыҥҥы кулууп аһыллыбытын туһунан «Кыталык» култуура дыбарыаһын дириэктэрэ Самангади Базарсадаевна Дондокова кэпсээтэ.

— Ньурба куоратыгар Сергей Васильев аатынан Култуура уонна сынньалаҥ пааркатыгар баар Уопсастыбаннай эйгэни сайыннарыы дириэксийэтин баазатыгар бэс ыйын 5 күнүгэр Психологическай көмө киинин психологтарын уонна байыаннай сулууспалаахтар кэргэттэрин көҕүлээһиннэринэн,  лааҕырынан хабыллыбатах буойуттар оҕолоругар анаан күнүскү кэмҥэ үлэлиир «Смарт» сайыҥҥы кулууп аһылынна. Бу дьоһун тэрээһиҥҥэ «Кыталык» култуура дыбарыаһыттан биһиги үлэһиппит Варвара Георгиевна кытынна. Кини уола уонна кэргэнэ Ийэ дойдуга суоһуур кутталтан көмүскүүр байыаннай эпэрээссийэҕэ кытта сылдьар буоланнар, саллааттар ийэлэрин, кэргэттэрин кытта ыкса сибээһи тутуһар.

Буойуттар оҕолорун сынньалаҥар аналлаах сайыҥҥы кулууп үөрүүлээх аһыллыытын бырагырааматын чэрчитинэн психологтар саллааттар дьиэ кэргэттэрин чилиэннэригэр уйулҕаны чөлүгэр түһэрэр сеанстары, сүбэлэри, көрдөөх арт-терапияны таһынан, аниматор Саргылаана Егоминаттан араас оонньуулаах бырагыраама кэлбит дьону сэргэхситтэ, уйулҕаларын уоскутта, сүргэлэрин көтөхтө.

Сахабыт сирин кылгас сайынын устатыгар бу күнүскү «Смарт» кулууп уопсастыбаннай төрүккэ оҕолорго аҕаларын суохтаппат араас тэрээһиннэргэ кытыннарыа, туһалаах, кэрэхсэбиллээх дьарыктарынан сынньалаҥнарын толоруо.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -13°C
  • Ощущается: -20°Влажность: 43% Скорость ветра: 5 м/с

Сообщить об опечатке

Текст, который будет отправлен нашим редакторам: