Ньурбаҕа драматическай тыйаатыр дьиэтин тутуу 2019 сылтан “Култуура” национальнай бырайыак “Култуурунай эйгэ” федеральнай бырайыагын иитинэн саҕаламмыта. Тыйаатыр саҥа дьиэтэ сэтинньи 3 күнүгэр үөрүүлээх быһыыга-майгыга аһыллаары турар.
Улуус баһылыга Алексей Иннокентьев телеграмҥа бэйэтин ханаалыгар:
— 2019 сыл от ыйын 17 күнүгэр РИК+ үбүн суотугар Ньурба сиригэр Театр тутуута саҕаламмыта, ол эбэтэр бастакы сыбаайата түспүтэ. Ньурбатааҕы көһө сылдьар судаарыстыбаннай драматическай тыйаатыр 1966 сыллаахха төрүттэммитэ. 1988 сыллаахтан «Геолог» диэн Амакинскай экспедиция кулуубугар күн бүгүҥҥэ диэри үлэлээн кэллэ. Бу түгэни үлэһиттэр, артыыстар, театры таптааччылар күүппүттэрэ, туруорсубуттара ыраатта.
— 2900 кв м. иэннээх баараҕай тутуу бүттүүн Уһук Илиҥҥэ суох култуура дьиэтэ буолар. 250 миэстэлээх көрөөччү олорор саалата тыйаатырга анаан тутуллубутун бэлиэтиэххэ наада. Сыанатын анныгар 3 м. кэриҥэ дириҥнээх декорация уларыйарыгар анаан люктаах, уота-күөһэ, оборудованиета барыта анал.
Бу күн Ньурба сиригэр СӨ Ил Дархана Айсен Сергеевич Николаев кыттыылаах улахан тэрээһиннэр буолаллар.
Саха Автономията төрүттэммитэ 100 сылыгар түбэһиннэрэн, Ньурбатааҕы драматическай театр дьиэтэ ыалдьыттары, театр сүгүрүйээччилэрин бастакы «Булгуруйбат санаалаах Ыстапаан» туруоруунан көрсөргө бэлэм, — диэн суруйда.
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…