Хаартыска: тыйаатыр пресс-сулууспата
Ньурба тыйаатырын айар бөлөҕө ахсынньы 8 күнүттэн Үөһээ Бүлүү-Бүлүү-Бэрдьигэстээх-Дьокуускай-Тулагы-Маҥарас-Ньурба маршрутунан гостуруолга туруммута.
Артыыстар Үөһээ Бүлүү олохтоохторугар анаан, Норуот айымньытын киинигэр Иннокентий Дмитриев-Сиэн Чолбодук пьесатынан Маргарита Васильева-Хотууна туруорбут «Иччилээх иччитэх балаҕан” испэктээги көрдөрдүлэр.
Бөлөх салайааччыта, СӨ култууратын туйгуна Ньургун Михайлов:
“Эһиил төрөөбүтэ 95 сыла туолар биллэр драматург Иннокентий Аксентьевич Дмитриев-Сиэн Чолбодук пьесатынан “Иччилээх иччитэх балаҕан” испэктээги гостуруолбут бастакы туочукатыгар Үөһээ Бүлүүгэ оонньоотубут. Элбэх көрөөччү кэлбититтэн үөрдүбүт. Айар бөлөххө СӨ култууратын туйгуннара Вера Лазарева, Роман Семенов, тыйаатыр эдэр артыыстара Александра Михайлова, Алёна Пономарёва, Сайыына Герасимова, Петр Филиппов, Ефрем Татаринов, уот оператора Александр Михайлов, муусука оператора Валентин Николаев уонна суоппар Александр Николаев бааллар.
Айар бөлөх кыттааччылара ахсынньы 11 күнүгэр «Ньурбалар түмсэр түһүлгэлэрэ» тэрээһиҥҥэ кыттыахтара уонна ахсынньы 12, 13, 15 күннэригэр дьон биһирэбилин ылбыт испэктээги Дьокуускайдааҕы култуура уонна ускуустуба кэллиэһигэр, Тулагыга, Маҥараска көрдөрүөхтэрэ.
Ньурба тыйаатырын пресс-сулууспата
Дьокуускайга 1 №-дээх полиция отделын дьуһуурунай чааһыгар балыыһаттан кырбаммыт дьахтар туһунан иһитиннэрии киирбит. Холуобунай ирдэбил…
Горнай улууһугар Атамай оскуолатыгар оҕо хаһыатыгар "Кэскилгэ" кылааһынан анал сурутуу аахсыйата ыытыллыбыта. Онно оҕолор көхтөөхтүк…
Тохсунньу 31 күнүгэр Дьокуускайга “Арассыыйа – мин устуоруйам” историческай паакаҕа Туризм бэстибээлэ ыытыллыаҕа. Тэрээһиҥҥэ туризм…
«Все в этой жизни каждый навык, знание, опыт как петли нити вяжутся в красивое кружево…
Быйыл Хомус киинэ уонна түмэлэ Абый, Аллайыаха, Муома, Үөһээ Халыма, Аллараа Халыма уонна Орто Халыма…
Тохсунньу 31 күнүгэр идэлээх бырааһынньыктарын ювелирдар – күндү таастары уонна металлары кытта күннэтэ үлэлиир маастардар…