Бүгүн Ньурба улууһугар эти астыыр саҥа сыах аһыллыбытын туһунан улуус баһылыга Алексей Иннокентьев телеграмҥа ханаалыгар иһитиннэрдэ.
-Урбаанньыт Альберт Иванович Васильев эт сыаҕын аһыллыытын үөрүүлээх тэрээһинигэр кыттыыны ыллым. Кини быйыл Норуот көҕүлээһинин сылыгар эт астыыр сыах оҥорор туһунан бырайыагын көмүскээн кыайбытыгар, 1 мөл.солк.көмө харчыны биэрбиппит. Сылга тиийбэт кэм иһигэр дьиэтин туттан, оборудованиетын атыылаһан, үлэһиттэри наймылаһан бүгүҥҥүттэн үлэтин саҕалаата.
Билигин бэйэбит эппититтэн оҥоһуллубут бородууксуйа тахсара олус үөрүүлээх. Улууспутугар ынах, убаһа, сибиинньэ, куурусса этин саппааһа баар, онон кэлэр сыл саҥатыгар нэһилиэнньэҕэ атыыга таһаарарга бэлэм олороллор.
Кэлэр сылы Ил Дархан Айсен Николаев Үлэ сылынан биллэрдэ. Инньэ гынан, улахан болҕомто тыа сиригэр үлэлиир дьоммутугар ууруллуоҕа. Альберт Иванович бэйэтэ технолог идэлээх буолан, барытын ирдэбилгэ эппиэттиир гына бэйэтэ көрөн-истэн, сүүрэн-көтөн оҥордо, — диэн улуус баһылыга иһитиннэрдэ.
Билиҥҥи туругунан икки араас халбаһыны, ыыһаммыт эти оҥороллор. Салгыы бородууксуйатын көрүҥүн 20-ҕэ тиэрдэр былааннаах.
СӨ урбааҥҥа, эргиэҥҥэ уонна туризмҥа миниистирэ Георгий Андреев бүгүн, ахсынньы 23 күнүгэр, СӨ Ил Дарханын…
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…
Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…