Ньурба улууһугар оҕо өлүүлээх иэдээн таҕыста

Бэҕэһээ, от ыйын 17 күнүгэр, Ньурба улууһун Сүлэ нэһилиэгэр икки саастаах уол оҕо тиэргэҥҥэ баар бассейҥа тимирэн өллө. «КП-Якутия» суруйарынан, иэдээн элбэх оҕолоох дьиэ кэргэҥҥэ тахсыбыт.

Эдэр устудьуоҥка ийэ, ыал улахан оҕото, дойдутугар иккилээх уолун илдьэ сайылыы кэлбит. Иэдээн тахсар күнүгэр кыыс төрөппүттэрэ наадаларыгар барбыттар. Ол кэмҥэ эдэр ийэ дьиэҕэ баар игирэ эһээхийдэри уонна да арыый улахан саастаах оҕолору көрө хаалбыт. Кини игирэчээннэри көрөр кэмигэр, иккилээх уола дьиэттэн тахсан 40 см үрдүктээх бассейны өҥөйөөрү умса түспүт уонна ууга чачайан тыына быстыбыт.

Бэлиэтээн суруйдахха, маныаха майгынныыр быһылаан Бурятияҕа буолбута. Улахан дьон көрбөт кэмигэр каркаснай бассейҥа умса түһэн эмиэ кыра саастаах оҕо суорума суолламмыта.