Хаартыска: sakha.gov.ru саайтан.
Спортивнай күрэхтэһии түмүктүүр чааһа 2027 сыл от ыйын 7-11 күннэригэр Ньурбаҕа буолуоҕа.
Ньурба улууһугар 2027 сылга ыытыллыахтаах Саха сирин норуоттарын IX Спортивнай оонньууларын көрсө саҥа эбийиэктэр тутуллуохтара. Тэрийэр кэмитиэт мунньаҕар бырабыыталыстыба бэрэссэдээтэлин солбуйааччы Сергей Местников улахан спортивнай тэрээһиҥҥэ бэлэмнэнии хайдах бара турарын бэрэбиэркэлээтэ. Бу туһунан Ил Дархан, бырабыыталыстыбатын пресс-сулууспата суруйар.
Чуолаан, спортивнай тэрээһиннэр ыытыллыахтаах саҥа эбийиэктэрин тутуу боппуруоһа көрүлүннэ. Олор истэригэр Ньурба куоракка сылаас чэпчэки атлетика манежтаах 3000 миэстэлээх стадион уонна физкултуурунай-чэбдигирдэр комплекс, Антоновка сэлиэнньэтигэр күөн көрсүү саалата тутуллуохтаахтар.
Сергей Местников эбийиэктэргэ үбүлээһини көрөргө докумуоннары бэлэмниир, хантараактары түһэрсэр үлэни эппиэттээх биэдэмистибэлэр күүһүрдэллэрин сорудахтаата.
Күрэхтэһиилэр Сүлэ уонна Чаппанда нэһилиэктэргэ тутуллуохтаах спортивнай саалаларга, Антоновка сэлиэнньэтин уонна Ньурба куоратын култуурунай-сынньалаҥ пааркаларыгар ыытыллыахтара. “Куочай” диэн сиргэ ытар сир быһаарылынна.
Спортивнай оонньуулар үс түһүмэҕинэн ыытыллыахтара. Сүүмэрдиир түһүмэх улуустарга 2025-2026 сс. ыытыллыа. Квалифицированнай күрэхтэһиилэр — 2026-2027 сылларга.
Барыллаан көрүүнэн, бу Оонньууларга өрөспүүбүлүкэ бары улуустарыттан 4,4 тыһыынча киһи кыттара күүтүллэр. Билигин кыттааччылары олордорго 22 эбийиэк баара быһаарылынна.
Уопсайа спортивнай оонньуулар бырагыраамаларыгар 15 көрүҥ киирдэ: аэробика, баскетбол, волейбол, мини-футбол, чэпчэки атлетика, остуол тенниһэ, спортивнай тустуу, дуобат, саахымат, ох саанан ытыы, буулдьанан ытыы, спортинг, бокса, “ГТО оонньуулара” многоборье уонна уу волейбола.
От ыйын 3 күнүнээҕи туругунан Дьокуускайга уонна өрөспүүбүлүкэ улуустарыгар клещкэ ытыттарыы 533 түбэлтэтэ бэлиэтэннэ, онтон…
Нерюнгри улууһугар Саха сирин соҕуруу киин куората 50 сылыгар анаммыт Олоҥхо ыһыаҕа ыытылла турар. Өрөспүүбүлүкэ…
Быйыл дойду үгүс эрэгийиэнигэр олохтоохтор үөн-көйүүр ахсаана биллэ элбээбитин бэлиэтииллэр. Саха сирэ эмиэ онтон хаалсыбат.…
Нерюнгри оройуонун Чульман бөһүөлэгин олохтоохторо Олоҥхо ыһыаҕар көхтөөх кыттыыны ыллылар. "Костер на снегу" ансаамбыл чилиэннэрэ…
«Рослесозащита» федеральнай тэрилтэ исписэлиистэрэ Саха сирин тыаларынан шелкопряд ахсаана элбиирин уонна мастары алдьаталлара күүһүрэрин күүтүллэрин…
Бүгүн, от ыйын 4 күнүгэр, Олоҥхо ыһыаҕын аһыллыытыгар Нерюнгри куорат олохтоохторо кыратыттан улаханыгар тиийэ араас…