https://www.sakha.gov.ru/news/26329
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир.
Оробуочай бөлөх үс аҥыы арахсан, улуус бары нэһилиэктэрин хабан, СӨ бырабыыталыстыбатын 2025 сыллааҕы үлэтин отчуоттуохтара. Түмүктүүр мунньах олунньу 19 күнүгэр Ньурба куоракка буолуоҕа.
Сергей Местников салайааччылаах бастакы бөлөх бүгүн Күндээдэ, сарсын Чуукаар, Хатыы, Маалыкай, өйүүн Ньурбачаан, Антоновка олохтоохторун кытары көрсүһүөҕэ.
Иккис бөлөҕү тыа хаһаайыстыбатын миниистирэ Артем Александров салайар. Кинилэр Дьаархан, Быһыттаах, Малдьаҕар, Өҥөлдьө, Хорула, Хатыҥ Сыһыы нэһилиэктэригэр үлэлиэхтэрэ.
Физическэй култуура, успуорт миниистирин солбуйааччы Гаврил Мохначевскай салайааччылаах бөлөх Үөдэй, Маар, Хаҥалас, Акана, Чаппанда, Дьиикимдэ, Сүлэ олохтоохторугар отчуоттуоҕа.
Чэппиэргэ улуус киинигэр СӨ норуоттарын IX спортивнай оонньууларын тэрээһинигэр анаммыт мунньах ыытыллыаҕа.
Отчуот иннинэ хас биирдии нэһилиэнньэлээх пууҥҥа гражданнары кытары тус көрсүһүүлэр ыытыллыахтара.
Бырабыыталыстыба быйылгы отчуота кулун тутарга түмүктэнэрэ былааннанар, түмүгүн “Саха” НКИХ көрдөрүөхтэрэ. Бу туһунан Ил Дархан уонна Бырабыыталыстыба пресс-сулууспата суруйар.
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…