Ньурба улууһугар сүппүт дьахтар өлүгэ көһүннэ

 Тохсунньу 3 күнүгэр Ньурба улууһун Чуукаар нэһилиэгин 70 саастаах дьахтар дьиэтиттэн тахсан, биллибэт хайысханан барбыт. Кини сүппүтүн туһунан уола биллэрбит.

Тохсунньу 5 күнүгэр көрдүүр үлэ саҕаламмыт. Онно Ньурбатааҕы көрдүүр-быыһыыр этэрээт үлэһиттэрэ, волонтердар уонна ИДьМ кинологтаах бөлөҕө кыттыспыттар. Көрдүүр үлэ тохсунньу 17 күнүгэр диэри ыытыллыбыт.

Тохсунньу 25 күнүгэр күнүс сүппүт дьахтар өлүгүн сылгыһыттар булбуттар. Дьахтар өлүгэ  Чуукаартан  13-14 км кэриҥэ ыраах сытар Хатырык Хонуу диэн сиргэ, суол кытыытыттан көстүбүт. Бу туһунан Саха сирин Быыһыыр сулууспата иһитиннэрдэ.