Ньурба улууһугар ыһыахтар кыраапыктара таҕыста
![](https://sakha-sire.ru/wp-content/uploads/2024/01/ysyah-deti-900x596.jpg)
Ыһыах күнэ Саха сиригэр бэс ыйын 21 күнүгэр бэлиэтэнэр буоллаҕына, сорох улуустарынан ыһыахтар бэс ыйын саҥатыттан ыытыллан барыахтара.
Саха Ыһыаҕа – халлаан таҥараларыгар сүгүрүйүүттэн үөскээбит итэҕэл көстүүтэ. Кини бүтүннүү өбүгэлэрбит өрдөөҕү үһүйээннэригэр олоҕурар. Ол курдук, номнуо Ньурба улууһугар нэһилиэктэринэн ыһыах ыытыллар кыраапыга таҕыста. Бу туһунан иһитиннэрии социальнай ситимнэринэн тарҕанна. Бигэргэммит кыраапыгынан Ньурба улууһугар аан бастакынан ыһыаҕы Акана нэһилиэгэр ыһыахтара, оттон түмүктүүр улуус ыһыаҕа бэс ыйын 17-18 күннэригэр буолуоҕа.
Акана — бэс ыйын 1 күнэ;
Дьаархан — бэс ыйын 8 күнэ;
Маалыкай — бэс ыйын 12 күнэ;
Өҥөлдьө — бэс ыйын 12 күнэ;
Күндээдэ — бэс ыйын 14 күнэ;
Малдьаҕар — бэс ыйын 14 күнэ;
Хатыы — бэс ыйын 14 күнэ;
Сүлэ — бэс ыйын 14 күнэ;
Хатыҥ-Сыһыы — бэс ыйын 14 күнэ;
Маар — бэс ыйын 14 күнэ;
Хорула — бэс ыйын 14 күнэ;
Чуукаар — бэс ыйын 28 күнэ;
Чкалов — бэс ыйын 28 күнэ;
Ньурба улууһун ыһыаҕа — бэс ыйын 17-18 күннэрэ.
Төрүт үгэһинэн бэс ыйа Улуу Тунах ыйынан, алгыстаах кэминэн ааҕыллар. Бу кэмҥэ үрдүк Айыылар Орто дойдуга хаһааҥҥытааҕар да чугаһыыллар. Бу ый былаһын тухары ыһыахтар буолаллар. Ыһыахтар Айыылартан алгыс ыларга анаан оҥоһуллаллар. Саха омук үйэлэр мөхсөр мөһүөннэрин туораан кэлбит үрдүк култуураалаах омукпут. Ону улуу олоҥхобут, ытык Ыһыахпыт бигэтик бигэргэтэллэр.
Сообщить об опечатке
Текст, который будет отправлен нашим редакторам: