Хаартыска: Саха сирин Быыһыыр сулууспатын пресс-сулууспата
Бэнидиэнньиккэ киэһэ Ньурба улууһугар Антоновка сэлиэнньэтиттэн 10 км тэйиччи Күндэ диэн сиргэ балыксыттар көмө көрдүүллэр диэн иһитиннэрии киирбит.
Балыксыттар алдьаммыт массыынаҕа үлүйэр кутталламмыттар. Көмөҕө үс быыһааччы таҕыспыт. Саха сирин Быыһыыр сулууспатын пресс-сулууспата иһитиннэрэринэн, балыксыттар эрдэ күөлгэ түһэрбит илимнэрин көрө айаннаабыттар. Күөл кытыытыгар массыынаны умуруоран илимнэрин таһаара киирбиттэр. Киэһэ дьиэлэригэр төннөллөрүн саҕана массыыналара собуоттамматах. Өрөмүөннүү сатаан баран биир балыксыт сатыы дэриэбинэ диэкки айаннаабыт. Чаас аҥаара буолтун кэннэ хаалбыт икки балыксыт ыксаан халлаан хараҥарбытынан уонна тымныйбытынан 112 нүөмэргэ эрийбиттэр. Быыһааччылар сотору кэминэн массыынаны суоллаан булбуттар. Балыксыттары Быыһыыр сулууспа массыынатыгар көһөрөн баран, үһүс балыксыты көрдүү айаннаабыттар. Кинини биир чаас курдугунан булбуттар. Барыларын Антоновка дэриэбинэтигэр этэҥҥэ тиэрдибиттэр.
Саха сирин Быыһыыр сулууспата тырааныспар тэхиниичэскэй туругун эрдэттэн көрөргө, ону тэҥэ суолу-ииһи бүтүннүүтүн чуолкайдыырга сүбэлиир. Халлаан туруга мөлтөх кэмигэр ыраах айантан туттунарга ыҥыраллар. Көмө наада буоллаҕына бу нүөмэрдэринэн эрийиэххэ сөп: 112, (4112) 45-90-19.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …