Ньурба улууһун баһылыга «Азия оҕолорун» кыттыылаахтарын эҕэрдэлээтэ
![](https://sakha-sire.ru/wp-content/uploads/2024/07/2ed8f8c0-bd7a-4ec5-a112-bf93422b395c-1-900x596.jpg)
От ыйын 17 күнүгэр Ньурбаҕа «Азия оҕолоро» норуоттар икки ардыларынааҕы спортивнай оонньууларга уонна «Спортивные якутяне» оскуола оҕолорун өрөспүүбүлүкэтээҕи спартакиадаҕа ситиһиилээхтик кыттыбыт оҕолору чиэстээтилэр.
Улуус баһылыга Алексей Иннокентьев «Азия оҕолоро» норуоттар икки ардыларынааҕы VIII оонньууларга кыттыбыт спортсменнары уонна кинилэр тириэньэрдэрин көрүстэ.
« Төрөөбүт дойдуларын чиэстээхтик көмүскээбит эдэр спортсменнарбытыгар махтал суруктары. «Азия оҕолоро» оонньууларга кик-боксиҥҥа кыһыл көмүс мэтээли аҕалбыт Ярослав Габышевка 50000 солк, кик-боксиҥҥа үрүҥ көмүс призеругар Дьулусхаан Яковлевка 40000 солк., чэпчэки атлетикаҕа икки боруонса мэтээллээх Арылхан Андреевка 30000 солк. уонна кинилэр тириэньэрдэригэр 15000 солк. суумалаах сэртипикээттэри туттардыбыт», — диэн Ньурба улууһун баһылыга Алексей Иннокентьевич ТГ-ханаалыгар иһитиннэрдэ.
![](https://sakha-sire.ru/wp-content/uploads/2024/07/97c033df-ae5a-47a2-afa9-b6f4e1e2d402.jpg)
![](https://sakha-sire.ru/wp-content/uploads/2024/07/57be4d30-a2b6-4bd6-8a2f-0d8f50f19394.jpg)
![](https://sakha-sire.ru/wp-content/uploads/2024/07/4bbda275-66e8-462c-a5ec-d49753afc1c1.jpg)
![](https://sakha-sire.ru/wp-content/uploads/2024/07/2ed8f8c0-bd7a-4ec5-a112-bf93422b395c.jpg)
![](https://sakha-sire.ru/wp-content/uploads/2024/07/3090667c-e567-4096-95f9-768ef6a480b6.jpg)
![](https://sakha-sire.ru/wp-content/uploads/2024/07/980e8053-4691-43e7-86b6-78f4a0d54451.jpg)
![](https://sakha-sire.ru/wp-content/uploads/2024/07/563ea3ac-e092-4f57-afb4-d77ddcea8f92.jpg)
![](https://sakha-sire.ru/wp-content/uploads/2024/07/292e3faf-551b-489f-8dd8-b16066097b7b.jpg)
«Билиҥҥи туругунан Саха сиригэр успуорт эйгэтигэр биһиги оҕолорбут ортоку кэккэҕэ сылдьаллар. Онон инникитин өссө даҕаны үрдэллэри дабайарга, эрчиллэргэ кыах баар. Ньурбаҕа буолуохтаах спортивнай оонньууларга оҕолорбут саастара ситтэҕинэ сорохторо кыттыахтарын сөп. Санааларын ууран, дьарыктанан үтүө түмүктэри ситиһэллэригэр баҕарабын!», — диэн Алексей Иннокентьевич баҕа санаатын тиэртэ.
«Азия оҕолоро» норуоттар икки ардыларынааҕы VIII спортивнай оонньуу төрүттэммит дойдутугар — Дьокуускайга бэс ыйын 26 — от ыйын 7 күннэригэр ыытыллыбыта. Киэҥ далааһыннаах тэрээһиҥҥэ Азербайджантан, Арменияттан, Афганистантан, Бангладештан, Беларусь Өрөспүүбүлүкэтиттэн, Грузияттан, Индияттан, Ирантан, Казахстантан, КНДР, Кытайтан, Кыргызстантан, Лаостан, Ливантан, Монголияттан, Палестинаттан, Пакистантан, Кореяттан, Сирияттан, Таджикистантан, Таилантан, Узбекистантан, ону сэргэ РФ эрэгийиэннэриттэн — 3 федеральнай уокуруктан, Москваттан уонна Саха Өрөспүүбүлүкэтиттэн барыта 1934 спортсмен кыттыыны ылбыта.
Сообщить об опечатке
Текст, который будет отправлен нашим редакторам: