Салгыы
Ньурба урбаанньыттара үгүс саҥа тутууну үлэҕэ киллэрдилэр

Ньурба урбаанньыттара үгүс саҥа тутууну үлэҕэ киллэрдилэр

18.04.2024, 19:33
Хаартыска -- Альберт Васильев тиксэриитэ.
Бөлөххө киир:

Кэнники сылларга Ньурба улууһун нэһилиэктэригэр араас хайысхалаах урбаан салаатын эбийиэктэрэ тутуллан киирдилэр.

Бу туһунан 2004-2023 сылларга Ньурба улууһун биисинэс-инкубаторын салайааччытынан үлэлээбит, билигин оройуон дьокутааттарын Сэбиэтин бэрэссэдээтэлэ Ньургуйаана Михайлова санаатын маннык үллэстэр:

Кэлиҥҥи сылларга улууспутугар элбэх урбаанньыт иитиэхтии сылдьыбыт былаанын олоххо киллэрэн, нэһилиэк аайы тыа хаһаайыстыбатын, социальнай, култуура, бэйэ оҥоһугун оҥорон таһаарыы эйгэлэригэр үгүс тутуу барда. Ол курдук,  Ньурбаҕа груминг-салон (ыты-куосканы сууйар пуун), нэһилиэктэргэ  бэкээринэ, эт-ас полуфабрикаттарын, кондитерскай астары оҥорор сыахтар,  тротуарнай билииккэ, кирпииччэ, тимир оҥоһуктары оҥорор, ювелирнай мастарыскыайдар уо.д.а. тутуулар арыллан үлэҕэ киирбиттэрэ, өссө да тутулла тураллар. Маныаха 2011-2012 сылларга тутуллубут оройуоннааҕы Бизнес-инкубатор дьиэтэ урбаанньыттары кытта үлэлэһэн, кинилэри өйөөн, үөрэтэн, саҥа саҕахтары, сонун сүүрээннэри олоххо киллэриигэ, сайыннарыыга улаханнык көҕүлээбитэ.

2022 сыллаахха Уһук Илиҥҥи гектарынан сир ылан, Антоновка нэһилиэгэр Альберт Васильев 90 кв м иэннээх халбаһыы сыаҕын тутан киллэрбитэ. Урбаанньыт 60 төбө ынах сүөһүнү кыстатар. Бэйэтэ убойнай пууннаах.

Араас хайысхалаах бэйэ дьыалатынан дьарыктанабын. Пилорамабар   тутуу маһын оҥорон таһаарабын. Ньурба пааркатын саҥардыыга тутуу маһынан хааччыйбытым.

Халбаһыы сыаҕар тэриллэрбин Владивостоктан, Новосибирскайтан, Санкт-Петербургтан сакаастаан ылбытым. Идэһэбитин халбаһыы сыаҕар туттабыт.

Онон бэйэ ынаҕын уонна сылгытын этиттэн оҥоһуллубут халбаһыы Ньурбаҕа, атын улуустарга, Накыыҥҥа, Дьокуускайга хамаҕатык атыыга барар. Күҥҥэ 100-чэкэ киилэ халбаһыыны оҥорон таһаарабыт.

Сыахпытыгар кэргэмминээн үлэлиибит, — диэн кэпсиир Альберт Васильев.

… Ити курдук, Ньурба урбаанньыттара үгүс тутууну ыытан, улуус олохтоохторугар эрэ буолбакка, өрөспүүбүлүкэни кытта хаччыйарга дьулуһаллар.

+1
9
+1
0
+1
0
+1
0
+1
0
+1
0
+1
0
Бары сонуннар
Салгыы
19 июля
  • 17°C
  • Ощущается: 17°Влажность: 94% Скорость ветра: 1 м/с

Сообщить об опечатке

Текст, который будет отправлен нашим редакторам: