Ньурба үөдэйдэрэ Пиэрибэй маайы субуотунньугунан бэлиэтээтилэр

Share

Ыам ыйын сааскы бастакы суолталаах бырааһынньыгын —  Пиэрибэй маайы Ньурба улууһун Үөдэй нэһилиэгин олохтоохторо күргүөмнээх  субуотунньугунан бэлиэтээтилэр.

Нэһилиэк дьаһалтатын баһылыгынан 2001-2006 сылларга Мария Николаева анаммыта. Онтон 2017 сыллаахха биир дойдулаахтара  кинини быыбарынан талбыттара. Олоххо көхтөөх, араас тэрээһиннэри сатабыллаахтык тэрийэр, кыахтаах салайааччы дьонун-сэргэтин өрүү нэһилиэктэрин сайыннарар, тупсарар үлэҕэ көҕүлүүр үтүөкэннээх киһи.

Бүгүҥҥү Пиэрибэй маай күнүн үөдэйдэр субуотунньугунан бэлиэтээбиттэрин туһунан баһылык Мария Николаева маннык кэпсиир:

Үөдэй нэһилиэгин олохтоохторо бу сарсыардаттан үөрэ-көтө мустан, Кыайыы болуоссатын кыһыҥҥы хаарын ыраастаатылар.

Быйыл хаар олус  элбэх буолан, болуоссаппыт халыҥ хаарынан бүрүллэн сыппыта. Эдэрдиин-эмэнниин бары үөрэ-көтө көхтөөх үлэни көҕүлүттэн туттубут: ким хаар таста, ким билиитэлэри ыраастаата.

Күүстээх үлэ түмүгэр ыраастаабыт былаһааккабыт, мэктиэтигэр, кэҥээбит курдук буола түстэ. Онон Улуу Кыайыы күнүн көрсө болуоссаппыт ыраастанна, бэрээдэктэннэ. Оҕолор да хаалсыбатылар, улахан дьонтон холобур ылан, тэҥҥэ тириттилэр-хоруттулар. Оҕолорбут Ийэ дойдуларыгар бэринииилээх буола улаатыылара, дьоруойдарбытын ытыктыы улааталлара бу маннык үлэттэн, көҕүлээһинтэн саҕыллара чахчы. 

Субуотунньукка тус баҕаларынан кэлэн көмөлөспүт бар дьоммутугар махтал тыл истиҥин этэбит. Хас биирдиибит нэһилиэкпитин, сэрии, үлэ бэтэрээннэрин, олорон ааспыт кырдьаҕастарбытын ытыктыырбытын, саныырбытын, умнубаппытын бу субуотунньук туоһулаата, бигэргэттэ.

«Үлэ — дьол!» диэн бэргэн этиинэн кынаттанан, Үөдэй нэһилиэгин олохтоохторо Пиэрибэй Маай бырааһынньыгын үлэнэн бэлиэтээн, аны да өссө буолуохтаах субуотунньуктарга маннык күргүөмнээхтик тахсарга бэлэмнэр.

Recent Posts

  • Култуура
  • Сонуннар

Улуу Өксөкүлээх туһунан өссө биир кинигэ сүрэхтэннэ

Ыам ыйын 5 күнүгэр, Пушкин аатынан киин библитиэкэҕэ  Үөһээ Бүлүү Балаҕаннааҕыттан төрүттээх, билигин Нам Түбэтигэр…

18 минут ago
  • Култуура
  • Сонуннар

«Көмүс уруоктартан» астынан, махтанан тарҕастылар

Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…

1 час ago
  • Сонуннар
  • Уопсастыба

Эһээм «СМЕРШ» разведкаҕа сылдьыбыт

edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…

2 часа ago
  • Сонуннар
  • Уопсастыба

Амма Сулуһа суох Дьоруойа

Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…

3 часа ago
  • Сонуннар
  • Уопсастыба

Вальс үҥкүү холбообут ыала Ефимовтар «Кыайыы вальсыгар» дайдылар

Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…

3 часа ago
  • Сонуннар
  • Уопсастыба

Дьокуускайга «Өлбөт үйэлээх полк» аахсыйаҕа 50 тыһыынчаттан тахса киһи кытынна

Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…

3 часа ago