Хаартыска: Ньурба улууһун дьаһалтатын пресс-сулууспата.
Ньурба улууһун Үөдэй нэһилиэгин олохтоохторо Үлэ бырааһынньыггын — ыам ыйын 1 күнүн субуотунньугунан бэлиэтээтилэр.
Субуотунньукка дьон көхтөөхтүк кыттан, Кыайыы болуоссатын хаарын ыраастаатылар. Пааматынньыктар быылларын сууйдулар-соттулар. Улуу Кыайыы күнүгэр бэлэмнээн, кытыастар былаахтары, баннердары ыйаатылар. Халлаан да тупсан, мустубут дьон үөрэ-көтө үлэлээтилэр. Ыччаттар, оҕолор төһүү күүс буоллулар. Элбэх киһилээх оскуола кэлэктиибэ, кулууптар, балыыһа үлэһиттэрэ, оскуола уолаттара, «Арыылаах» ХЭУо уонна дьаһалта үлэһиттэрэ кыттан, улахан көмөнү оҥордулар.
Үлэни өрө туппут үөдэйдэр, үлэҕэ өрүү көхтөөхтөрүн көрдөрдүлэр. Онон Улуу Кыайыы күнүн чиэстээхтик көрсөргө бэлэмнэр. «Бүгүҥҥү сылаас күн нэһилиэкпитин тупсардыбыт. Уолаттарбыт сииктээх эрдэҕинэ суолбутун көннөрдүлэр. Онон 1 Маай бырааһынньыгар көхтөөх үлэ ыытыллан, бэрт таһаарыылаах күн ааста, — диэн бэлиэтээтэ Үөдэй нэһилиэгин баһылыга Мария Николаева. Бу туһунан Ньурба улууһун дьаһалтатын телеграм-ханаала сырдатта.
Ньургустаана Петрова мэдиссиинэ сиэстэрэтинэн үлэлээбитэ отуттан тахса сыл буолла. Байыаннай дьайыы буола турар сиригэр 2024…
Сэтинньи 3 күнүгэр Суорун Омоллоон аатынан Опера уонна балет судаарыстыбаннай тыйаатырыгар «В единстве культур –…
Энньэ - былыр кыыс сүктэригэр илдьэ кэлэр бэйэтэ бас билэр баайа-дуола. Энньэ эмиэ халыым курдук…
Алтынньы 27 күнүттэн сэтинньи 1 күнүгэр диэри Владивосток куоракка буолбут Уһук Илиҥҥи III хуор олимпиадатыгар…
Маны билэҕит дуо? Дьэдьэни сэниэ эстиитигэр, хаан кыһыл эттигэ аҕыйааһыныгар, оҕо иһин ыарыытыгар тутталлар. Кучу…
Саха сиригэр нэһилиэнньэ дьарыктаах буолуутун Судаарыстыбаннай сулууспатын бырайыага - "Саха сиригэр үлэлээ" бэстибээл 2025 с. ыччат…