Салгыы
До выборов президента РФ
00 дней
:
00 часов
:
00 минут
:
00 секунд
Ньурба Үөдэйигэр саастаах дьон интэриниэт эйгэтин баһылаатылар

Ньурба Үөдэйигэр саастаах дьон интэриниэт эйгэтин баһылаатылар

10.10.2023, 19:15
Хаартысканы уонна видеоны Мария Николаева тиксэрдэ
Бөлөххө киир:

Бу күннэргэ Ньурба улууһун Үөдэй нэһилиэгэр аҕам саастаахтар дэкээдэлэрин чэрчитинэн  саастаахтарга күннээҕи олоххо туһанарга олус туһалаах тэрээһин буолан ааста.

Бу туһунан нэһилиэк баһылыга Мария Николаева бу курдук сырдатта:

-“Айылгы» норуот айымньытын дьиэтигэр аҕам саастаах дьону түмэн, кулууп уонна бибилэтиэкэ үлэһиттэрэ куйаар ситимигэр наадалаах иһитиннэриини буларга, электроннай почтанан, социальнай ситимнэринэн үлэлииргэ уонна онлайн тиһигинэн харчы ыытарга үөрэттилэр.

Бастатан туран, кэлбит дьон бары нэһилиэк, кулууп “Телеграмм”, “ВК” ханаалларыгар суруттардылар.  Онон бу күнтэн ыла сонуннары билэр, көрөр кыахтаннылар. Ол кэннэ “Телеграмм” нөҥүө видеонан саҥаран оҕолоругар, билэр дьонноругар эҕэрдэ ыытан эрчилиннилэр.

Судаарыстыбаннай өҥө нөҥүө наадалаах докумуоннары сакаастаатылар. Сорохтор хаартыскаҕа сурук суруйарга үөрэннилэр. “ВК-ҕа” хаартыска угары да сатаатылар. Онон бары кэлбит дьон аныгы технологияны баһылаан, үөрэн-көтөн тарҕастылар. Кэлэр өттүгэр итинник үөрэтии былаан быһыытынан салҕаныаҕа.

Үөдэй нэһилиэгин  аҕам саастаах дьоно аныгы үйэни кытта тэҥҥэ хардыылыыллар. “Сааһырдыбыт” диэн дьиэлэригэр бүгэн олорботтор. Саҥаны билэргэ бэлэмнэр, баҕалаахтар. Ол иһин “өссө кэлиэхпит” диэн тарҕастылар.

+1
3
+1
0
+1
0
+1
0
+1
1
+1
0
+1
0
Бары сонуннар
Салгыы
21 февраля
  • -31°C
  • Ощущается: -31°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: