Хаартысканы уонна видеоны Мария Николаева тиксэрдэ
Бу күннэргэ Ньурба улууһун Үөдэй нэһилиэгэр аҕам саастаахтар дэкээдэлэрин чэрчитинэн саастаахтарга күннээҕи олоххо туһанарга олус туһалаах тэрээһин буолан ааста.
Бу туһунан нэһилиэк баһылыга Мария Николаева бу курдук сырдатта:
-“Айылгы» норуот айымньытын дьиэтигэр аҕам саастаах дьону түмэн, кулууп уонна бибилэтиэкэ үлэһиттэрэ куйаар ситимигэр наадалаах иһитиннэриини буларга, электроннай почтанан, социальнай ситимнэринэн үлэлииргэ уонна онлайн тиһигинэн харчы ыытарга үөрэттилэр.
Бастатан туран, кэлбит дьон бары нэһилиэк, кулууп “Телеграмм”, “ВК” ханаалларыгар суруттардылар. Онон бу күнтэн ыла сонуннары билэр, көрөр кыахтаннылар. Ол кэннэ “Телеграмм” нөҥүө видеонан саҥаран оҕолоругар, билэр дьонноругар эҕэрдэ ыытан эрчилиннилэр.
Судаарыстыбаннай өҥө нөҥүө наадалаах докумуоннары сакаастаатылар. Сорохтор хаартыскаҕа сурук суруйарга үөрэннилэр. “ВК-ҕа” хаартыска угары да сатаатылар. Онон бары кэлбит дьон аныгы технологияны баһылаан, үөрэн-көтөн тарҕастылар. Кэлэр өттүгэр итинник үөрэтии былаан быһыытынан салҕаныаҕа.
Үөдэй нэһилиэгин аҕам саастаах дьоно аныгы үйэни кытта тэҥҥэ хардыылыыллар. “Сааһырдыбыт” диэн дьиэлэригэр бүгэн олорботтор. Саҥаны билэргэ бэлэмнэр, баҕалаахтар. Ол иһин “өссө кэлиэхпит” диэн тарҕастылар.
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…