Хаартыска: СӨ гражданскай оборуонаҕа уонна нэһилиэнньэҕэ куттал суох буолуутун хааччыйыы министиэристибэтиттэн
Бөлүүн түүн баһаарынай сулууспаҕа Ньурба улууһун Ньурбачаан сэлиэнньэтигэр 01:49 чааска Ломоносов уулуссатыгар икки этээстээх чааһынай дьиэҕэ уот турбутун туһунан иһитиннэрии киирбит. Бу туһунан СӨ гражданскай оборуонаҕа уонна нэһилиэнньэҕэ куттал суох буолуутун хааччыйыы министиэристибэ иһитиннэрэр.
Баһаарынайдар бастаан кэлэллэригэр уот дьиэни бүүс-бүтүннүү хаппыта бэлиэтэммит. Буруо хойуутуттан уонна уот суоһуттан быыһааччылар дьиэ иһигэр киирэллэрэ уустугурбут.
Бастакы дааннайдарынан, уокка 5 киһи, ол иһигэр үс оҕо, былдьаммыт. Өссө 2 киһи уонна биир оҕо ыараханнык уокка эчэйэннэр реанимацияҕа ыарахан туруктаах киирбиттэр.
Баһаар буолбут сиригэр баһаарынайдар уонна добровольнай баһаарынай дружина суһаллык тиийбит. Уоту умуруорууга эбии күүстэр ыҥырыллыбыттар.
02:04 – баһаарга БИС 1 №-дээх үрдээбит рангата биллэриллибит. 04:04 – уот бохсуллубут. 05:32 – уот аһаҕастык умайарара тохтотуллубут. 06:58 – уот толору умуруоруллубут.
Уоту умуруорууга уопсайа 18 киһи уонна 2 тиэхиньикэ уонна РСЧС күүстэрэ (полиция, суһал көмө, ресурсаны хааччыйар тэрилтэлэр) кыттыбыттар.
Билигин баһаар тахсыбыт сиригэр ыраастааһын үлэлэрэ салҕаналлар. Исписэлиистэр уот турбут төрүөтүн быһаарарга бэрэбиэркэни ыыталлар. Эмсэҕэлээбиттэргэ наадалаах көмө оҥоһуллар. Быһылаан тахсыбытынан силиэстийэ ыытыллар.
Ааспыт сууккаҕа өрөспүүбүлүкэ иһигэр 2 буруйу оҥоруу түбэлтэтэ бэлиэтэннэ диэн СӨ Борокуратуурата иһитиннэрэр. Бу быһылааннары…
Арассыыйаҕа үөрэх араас кыһатыгар үөрэнэр устудьуоннары өйүүр миэрэлэр бааллар: истипиэндьийэ, уопсай дьиэлэр, Пушкинскай каарта, айан…
Ааспыт сууккаҕа түөкүттэр биир киһини албыннаан харчытын суйдаабыттарын туһунан ИДьМ пресс-сулууспата иһитиннэрэр. Нерюнгри куорат биир…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Бэҕэһээ Ленинград куораты фашистскай блокадаттан толору босхолооһун күнүгэр анаан Дьокуускай куорат 13-с №-дээх оскуолатын 6-11…
Бүгүн, тохсунньу 28 күнүгэр, Саха сирин сорох улуустарыгар -9 кыраадыс буолара күүтүллэр диэн УГМС иһитиннэрэр.…