Салгыы
Ньурбачааҥҥа «Сүүтүк» түмсүү 10 сыллаах үбүлүөйүн бэлиэтээтэ

Ньурбачааҥҥа «Сүүтүк» түмсүү 10 сыллаах үбүлүөйүн бэлиэтээтэ

11.04.2024, 20:26
Бөлөххө киир:

Олоҕу уопсастыбанньыктар хамсаталлар, кинилэр нэһилиэк олоҕун дириҥ ис хоһооннууллар, киэргэтэллэр. 

Ньурба улууһун Ньурбачаан нэһилиэгин олохтооҕо Антонина Угапьева «Сүүтүк » уопсастыбаннай түмсүү 10 сыллаах айар үлэтин төгүрүк үбүлүөйүн туһунан  бу курдук кэпсээтэ:

Ньурба улууһун маастара Розалия Попова салайааччылаах  иистэнньэҥнэр «Сүүтүк түмсүүлэрин үбүлүөйүгэр ыраахтан-чугастан ыҥырыылаах ыалдьыттар  Сүлэттэн, Чаппандаттан, Ньурба куораттан кэлэн, маастар-кылаастары ыыттылар, уопуттарын атастастылар.  «Сүүтүк» иистэнньэҥнэрэ үлэлэрин быыстапкатын туруордулар.

Кинилэр кыбытык паннону кулууппутугар бэлэх уунан үөртүлэр.  «Сүүтүк» 10 сыллаах үлэтэ  Ил Түмэн, Ньурба оройуонун култуураҕа салаатын, үлэлээбит тэрилтэлэрин кырааматаларынан, Махтал суруктарынан  бэлиэтэннэ. Үбүлүөй биир үөрүүлээх түгэнинэн, «Сүүтүк» көхтөөх актыбыыһа, иистэнньэҥ   Изабелла Попова «Ньурба оройуонун уус-уран оҥоһуктарын маастара»  анал бэлиэнэн наҕараадаланыыта буолла.  

Дьокуускай куораттан биир дойдулаахпыт М.С. Бассанова-Оһуокай Маарыйа бэйэтин сэмэй бэлэхтэрин ыытта. Ол курдук, кини Араассыыйаҕа  Дьиэ кэргэн сылынан нэһилиэк сис ыалыгар Варвара Давыдовна уонна Степан Никитич Тихоновтарга, элбэх оҕолоох Евдокия уонна Сергей Куприяновтарга сэмэй бэлэхтэрин анаабыт.  «Сүүтүк» түмсүү саамай аҕам саастаах иистэнньэҥэ Татьяна Кузьмина  «Почетный старейшина РС (Я)» анал бэлиэни тутта.

Үөрүүлээх тэрээһин кэнниттэн аны иистэнньэҥнэрбит талааннарын көрдөрдүлэр. Бу ырыалара-үҥкүүлэрэ элбэҕин, таҥастара-көстүүмнэрэ сиэдэрэйин — киһи көмүс тарбахтаах иистэнньэҥнэр диэн киэн туттуон туттар! Аны ол онон бүппэтэ — киирии билиэттэринэн «сүүтүктэр» бэйэлэрэ туруорбут сэмэй бэлэхтэринэн латырыайа оонньоттулар. Онон бу дьоро киэһэҕэ мустубут дьон өссө илии тутуурдаах дьиэлэригэр тарҕастылар. Бу курдук, күндү «Сүүтүк» түмсүү, өссө да элбэх төгүрүк үбүлүөйдэргин ыла тур дуу диэн алҕаатахпыт буоллун! 

+1
6
+1
0
+1
0
+1
0
+1
0
+1
0
+1
0
Бары сонуннар
Салгыы
26 мая
  • 19°C
  • Ощущается: 18°Влажность: 26% Скорость ветра: 2 м/с

Сообщить об опечатке

Текст, который будет отправлен нашим редакторам: