Ньурбаҕа 3000 миэстэлээх стадион тутуохтара

Ньурба оройуонугар ыытыллар IX Саха сирин норуоттарын спортивнай оонньууларыгар бэлэмнэнэн Ньурбаҕа 3000 миэстэлээх стадион тутан саҕалаатылар. Стадион сылаас манежтаах уонна 500 миэстэлээх бассейннаах буолуоҕа.

«Ньурбаҕа успуорт эбийиэктэрин эрэ буолбакка, атын социальнай суолталаах үөрэх уонна доруобуйа эйгэлэрин эбийиэктэрин эмиэ тутуохтаахпыт. Билиҥҥитэ Саха сирин бырабыыталыстыбатын кытта ханнык саҥа эбийиэктэр үлэҕэ киириэхтээхтэрин чуолкайдыыбыт», — диэтэ Айсен Николаев.

Бүгүҥҥү күҥҥэ стадион олоҕун бэлэмнииллэр, тутуу матырыйаалларын атыылаһаллар. Быйыл эбийиэк көҥдөйүн бүтэриэхтээхтэр.Стадион 2027 сыл бастакы кыбаарталыгар үлэҕэ киирэрэ былааннанар.

Санатан суруйдахха, IX Саха сирин норуоттарын спортивнай оонньуулара Ньурбаҕа 2027 сылга от ыйын 7-11 күннэригэр ыытыллар.