Ньурбаҕа алта массыына кыттыылаах маассабай суол быһылаана тахсыбыт

Ньурба улууһугар алта массыына кыттыылаах улахан саахал тахсыбыт. Бу туһунан Госавтоинспекция пресс-сулууспата иһитиннэрдэ.

Быһылаан буруйдааҕынан итирик туруктаах суоппар буолара биллибит. Барыллаан чахчынан, балаҕан ыйын 30 күнүгэр сарсыарда 9.00 чаас саҕана Ньурбаҕа 32 саастаах «Нисан Дуалис» массыына суоппара утары суолга тахсан «Тойота- Ипсум» массыынаны кытта харсыспыт. Улахан харсыһыы түмүгэр суол уҥа өттүгэр турбут массыыналары эмиэ таарыйбыт. Маассабай саахалга ким да эмсэҕэлээбэтэх.

Бэрэбиэркэ кэмигэр «Ниссан Дуалис» суоппара итирик туруктаах сылдьыбыта быһаарылынна. Суоппар итирик туруктаах сылдьан уруулга олорбутун уонна утары суолга тахсыбытын иһин хас да административнай матырыйаал оҥоһулунна.