Хаартыска: Ньургуйаана Михайлова тиксэриитэ.
Бу киэһэ Ньурбаҕа ардах курулаччы түһэ турарын туһунан видео социальнай ситимнэринэн тарҕана турар.
«Ньурбаҕа ардах бөҕө, чалбах бөҕө… Курулатан эрэр буолбат дуо?» диэн массыынанан айаннаан эрэр эр киһи куолаһа, бу күннэргэ сылыйаары турарын истэ-билэ сылдьар дьону улаханнык соһутта.
«Ол аата ол ардах биһиэхэ аҕыйах хонугунан кэлэр буоллаҕа…» дии санаабыт киһи элбээбит буолуохтаах. Ньурба улууһун дьокутааттарын сэбиэтин салайааччыта Ньургуйаана Михайловаттан «бу кырдьык дуо?» диэн ыйыппыппар, «халлааммыт ичигэс баҕайы, киэһэ 18 чааска үлэбиттэн кэлиибэр ардах суоҕа, бэйи тахсан көрүүм эрэ, баҕар, түһэн эрэрэ буолуо» диэтэ. Сотору буолаат, «суох, хата, хаар бөҕө түһэ турар» диэн эбэн эттэ. Ньурбаттан ыйыппыт дьонум «видеоҕа, кырдьык, Убайаан көстөр. Ол эрээри урукку видео, били Өлүөхүмэҕэ этиҥ эттэ диир кэмнэрэ дии» диэн буолла. Сорохтор «биһиэхэ бүгүн хаар, буурҕа бөҕөтө» диэтилэр. Бу күннэрдээҕи Ньурба халлаанын туругун куйаар ситимиттэн кытта хостоон ыыта оҕустулар. Онон уопсай хоруй «Ньурбаҕа ардах суох, социальнай ситимҥэ тугу баҕарар суруйуохха, түһэрэн, устан ыытыахха сөбө бу холобурга көстөр. Онон барытын ыраас мууска ылынымаҥ» диэн буолла…
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…