Ньурбаҕа баһаарга икки киһи эмсэҕэлээтэ

Ааспыт сууккаҕа Саха сиригэр алта техногеннай баһаар буолбута бэлиэтэммит. Ньурба улууһугар баһаарга икки киһи эмсэҕэлээбитин туһунан, бүгүн, балаҕан ыйын 2 күнүгэр эрэгийиэннээҕи ЫБММ пресс-сулууспата иһитиннэрэр.

Итиэннэ Кэбээйигэ чааһынай дьиэ уонна Алдаҥҥа биир эбийиэк умайбыттарын туһунан суруйбуттар. Баһаарынайдар аттыларыгар турар тутуулары быыһаабыттар.

Баһаарынайдар Томпо, Өймөкөөн, Үөһээ Бүлүү улуустарыгар от умайбытын умуруорбуттар.