Хаартыскалары Ольга Андреева тиксэриитэ
Бүгүн өрөспүүбүлүкэ улуустарыгар Байыаннай дьайыы бэтэрээннэрин күнүгэр аналлаах тэрээһиннэр ыытылыннылар.
Ньурба улууһугар араас кэмнэргэ дойду көмүскэлигэр байыаннай дьайыыларга кыттыбыт уонна кытта сылдьар бэтэрээннэри чиэстиир итиэннэ кэриэстиир тэрээһин буолан ааста. Тэрээһини Ньурба улууһунааҕы байыаннай дьайыы бэтэрээннэрин сэбиэтэ, Ньурба улууһун дьаһалтата, Ньурба куоратын дьаһалтата уонна Анал байыаннай дьайыы кыттыылаахтарын холбоһуга ыыттылар.
Ньурба куоракка «Бүлүү өрүс кытыла» бырайыак иккис түһүмэҕин тутуу чэрчитинэн Байыаннай дьайыы бэтэрээннэрин искибиэрэ оҥоһуллуохтаах. Бүгүн искибиэр тутуллуохтаах сиригэр үөрүүлээх быһыыга-майгыга ол туһунан сурук уурулунна.
Бу тэрээһиҥҥэ байыаннай дьайыы кыттыылаахтарыгар уонна онно сылдьар байыастарга көмө-тирэх буолар уопсастыбанньыктарга, Ньурба олохтоохторугар «Биир ньыгыл Арассыыйа» партия, байыаннай чаас, улуус дьаһалтатын ааттарыттан махтал суруктары туттардылар.
Буурҕалаах дохсун ардаҕы аннынан байыаннай дьайыы бэтэрээннэрин чиэстээтилэр, ийэ дойдуларын иһин олохторун толук уурбут саллааттары кэриэстээн аастылар.
“Азия оҕолоро” VIII Норуоттар икки ардыларынааҕы оонньуулар чэрчилэринэн СӨ Туризм сайдыытыгар ааҕыныстыбата Дьокуускай куорат устун…
От ыйын 2-с уонна 3-с күннэригэр "Олимпиец" ытар комплекска стендовай ытыыга икки күрэхтэһии түмүктэннэ. Биирдиилээн…
Ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений» куонкуруска сайаапкалары ылыы салҕанар.…
Ленскэй оройуонугар сыл саҕаланыаҕыттан 400-тэн тахса ыраах сытар нэһилиэнньэлээх пуун олохтоохторо улуустарын быраастарыгар бэрэбиэркэлэннилэр. Ленскэйдээҕи…
Бэс ыйын 24 күнүттэн от ыйын 24 күнүгэр диэри «электроннай бүддьүөт» тиһигэр агробырамыысыланнай комплекс тутаах…
Бүгүн, от ыйын 3 күнүгэр, Дьокуускайга «Кыайыы 50 сыла» успуорт уораҕайыгар «Азия оҕолоро» норуоттар икки…