Ньурбаҕа байыастар дьиэ кэргэттэрин оттук маһынан хааччыйдылар

Байыаннай дьайыы кыттыылаахтарын дьиэ кэргэттэрин оттук маһынан хааччыйарга Ньурба куоратын дьаһалтата биэс күннээх улахан субуотунньуктары тэрийэн ыытта. Бу туһунан улуус дьаһалтатын ТГ-ханаала иһитиннэрэр.

Бэҕэһээ түмүктүүр субуотунньукка улуус баһылыга Алексей Иннокентьев, Ньурба куорат баһылыга Геннадий Игнатьев, улуустааҕы үөрэх управлениетын салайааччыта Федор Ушканов, ИСУ салайааччыта Константин Иванов, улуус уонна куорат дьаһалталарын исписэлиистэрэ, тэрилтэлэр үлэһиттэрэ уонна урбаанньыттар  үлэлээтилэр. Бу күннэргэ биэс күннээх күүрээннээх үлэ түмүгэр 288 кубометр оттук мас бэлэмнэнэн, 36 байыаннай сулууспалаахтар дьиэ кэргэттэригэр тиэрдилиннэ.