Ньурбаҕа биэнсийэлээх дьахтар төлөпүөн уорууга уорбаланар

ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут. Материальнай хоромньу 7 000 солкуобайга тэҥнэспит.

Суһал-көрдүүр тэрээһиннэринэн холуобунай ирдэбил үлэһиттэрэ уорбаланааччыны быһаардылар. Урут уорууга сууттана сылдьыбыт 60 саастаах биэнсийэлээх дьахтар буолара биллибит.

Силиэстийэҕэ быһаарыллыбытынан, эмсэҕэлээччи доҕотторугар ыалдьыттыы сылдьан арыгы испит. Эр киһи аралдьыйбытын кэтээн туран дьахтар төлөпүөнү уорбут.  Уоруллубут мал былдьаммыт. РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ. Дьахтар 5 сылга диэри көҥүлэ быһыллыан сөп, диэн ИДьМ пресс-сулууспата иһитиннэрэр.