Ньурбаҕа булчуту эвакуациялаатылар

Share

Бэҕэһээ, балаҕан ыйын 24 күнүгэр, Ньурбатааҕы көрдүүр-быыһыыр этэрээккэ 1971 с.т. булчут эр киһи сүппүтүн туһунан иһитиннэрии киирбит. Кини балаҕан ыйын 15 күнүгэр Лосоо диэн сиргэ вездеходунан бултуу барбыт уонна балаҕан ыйын 20-21 күннэригэр кэлиэх буолбут даҕаны, төннүбэтэх, сибээскэ тахсыбатах. Бу туһунан СӨ Быыһыыр сулууспатын телеграм-ханаала иһитиннэрэр.

Иһитиннэрии киирээтин кытта, көрдөөһүн былаанын оҥорбуттар. Күндээдэ нэһилиэгин баһылыгын кытта кэпсэтэн баран, уопуттаах сирдьит, ыйыллыбыт сири билэр киһи кыттыспыт. Лоосоҕо диэри массыына тиийбэт, онон вездеход эбэтэр квадроцикл эрэ тиийэр.

Балаҕан ыйын 24 күнүгэр 22:00 чааска Ньурба куораттан «Соболь» массыынаҕа квадроциклы тиэйэн, үс быыһааччы туруммут. Бу сарсыарда 04:30 чааска Дэбири диэн сиргэ баар үүтээнтэн булчуту булбуттар.

Быыһааччылар бөлөхтөрүн ыстаарсайа Вальтер Васильев иһитиннэрбитинэн, эмсэҕэлээччи вездеходуттан сууллан сиһин эчэппит, онтон суолун көрдүү сатаабыт даҕаны, мунан хаалбыт. Кини өйдүүрүнэн, суолга биир аппа баара эбит, ону аара икки аппалаах сиргэ түбэһэн, муннум дии санаан үүтээҥҥэ төннүбүт уонна көмө кэлэрин күүппүт.

Эр киһи мэдиссиинэ көмөтүгэр наадыйбатах, быыһааччылар дьонугар тиксэрбиттэр.

Recent Posts

  • Сонуннар
  • Уопсастыба

Саха сиригэр Саҥа дьыллааҕы түүн аҕыс оҕо күн сирин көрдө

Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…

9 минут ago
  • Кыайыы 80 сыла
  • Сонуннар

Саха сирин ытык кырдьаҕаһа 105 сааһын туолла

Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…

1 час ago
  • Аҕа дойдуну көмүскээччи сыла
  • Байыаннай эпэрээссийэ
  • Сонуннар

Саха сириттэн байыастар Саҥа дьыллааҕы бэлэхтэри туттулар

Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…

2 часа ago
  • Сонуннар
  • Сүбэһит
  • Уопсастыба

Уһун өрөбүллэри хайдах туһалаахтык атаарыахха сөбүй?

Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…

3 часа ago
  • Быһылаан
  • Бэрээдэк
  • Сонуннар

Сунтаар сэлиэнньэтигэр үс оҕолоох дьиэ кэргэн өлбүтүнэн холуобунай дьыала тэрилиннэ

Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…

4 часа ago
  • Сонуннар
  • Уопсастыба

2026 сылга хайдах сынньанабыт: бырааһынньык уонна өрөбүл күннэр

Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…

4 часа ago