Ньурбаҕа буолбут киһини өлөрүүнэн бириигэбэр таҕыста

СӨ Силиэстийэлиир кэмитиэтин Ньурбатааҕы улуустар икки ардыларынааҕы силиэстийэлиир управлениета хомуйбут дакаастабыла, Холуобунай кодекс 105 ыст. 1 ч. (өлөрүү) буруйдаммыт 46 саастаах киһиэхэ бириигэбэр тахсарыгар сөптөөҕүнэн ааҕыллыбыт.  

Силиэстийэ уонна суут быһаарбытынан, 2025 сыл атырдьах ыйыгар сууттанааччы билэр дьонун кытта гарааска арыгы испит. Сууттанааччы биир эр киһини кытта мөккүһэн турбуттар. Кыыһыран баран аттыгар турар сүгэни ылан өнчөҕүнэн төбөҕө охсубут. Эмсэҕэлээччи итинтэн эчэйии ылан миэстэтигэр өлбүт.

Сууттанааччы буруйу оҥорон баран сибидиэтэллэргэ былаас  уорганнарыгар уонна мэдиссиинэ бэрэстэбиитэллэригэр биллэриҥ диэбит, бэйэтэ буруйу оҥорбут сириттэн барбыт.

Силиэдэбэтэл быһылаан тахсыбыт миэстэтин көрүүнү, сууд-мэдиссиинэ эспэртиисэтин, сибидиэтэллэри уонна сууттанааччыны доппуруостааһыны киллэрэн туран, силиэстийэлиир толору ирдэбили оҥорбут.

Сууттанааччы аҕыс сыл быраабын быһан накаастабылы кытааннах эрэсиимнээх холуонньаҕа боруостууругар анаабыттар. Бу туһунан Саха сиринээҕи силиэстийэлиир кэмитиэт телаграм-ханаалыгар суруйаллар.