Ньурбаҕа быыһааччылар сүппүт оҕону буллулар

Бүгүн, атырдьах ыйын 21  күнүгэр,  14:30 ч. Ньурбатааҕы  көрдүүр-быыһыыр этэрээккэ Ньурба куораттан  3 км сиргэ оҕо сүппүтүн туһунан суһал иһитиннэрии киирбит. Бу туһунан СӨ Быыһыыр сулууспата иһитиннэрдэ.

7 саастаах оҕо дьонун  кытта сир астыы барсыбыт.  Ол сылдьан  бииргэ сылдьар дьонуттан хаалан хаалбыт.

Суһал иһитиннэрии киирээтин кытта Ньурбатааҕы ПСО түөрт быыһааччыта оҕону көрдүү барбыттар. Оҕону сүппүт сириттэн икки килэмиэтирдээх сиргэ булбуттар. Уолчаан доруобуйата этэҥҥэ.