Ньурбаҕа дьахтар сураҕа суох сүппүт

Тохсунньу 5 күнүгэр Ньурба улууһун ЕДДС сулууспатыгар 1955 с.т. дьахтар сүппүтүн туһунан иһитиннэрии киирбит. Бу туһунан СӨ Быыһыыр сулууспатын пресс-сулууспата иһитиннэрэр.

Киһи сүппүтүн туһунан дьахтар уола биллэрбит. Кини этэринэн, ийэтэ тохсунньу 3 күнүгэр дьиэтиттэн тахсан баран төннүбэтэх. Дьахтар деменциянан ыалдьар эбит.

Сүппүт дьахтары көрдүү аймахтара, полиция үлэһиттэрэ уонна СӨ Быыһыыр сулууспатын Ньурбатааҕы быыһыыр этэрээтин үс быыһааччыта тахсыбыттар.