Ньурбаҕа дьахтар ыарыылаах клещкэ ытыттарбыт

Ааспыт нэдиэлэҕэ Ньурба улууһугар дьахтар ыарыылаах клещкэ ытыттарбытын туһунан «Ньурба» хаһыат телеграм-ханаала суруйар. 

«Эмсэҕэлээччи балыыһаҕа хойутаан көрдөрүммүт буолан, бастаан инсультка уорбалаабыттар. Онтон чугас дьоно ойуурга сылдьан клещкэ ытыттарбытын туһунан санаан эппиттэригэр, тута анаалыска ыытан бэрэбиэркэлэппиттэрэ — бигэргэммит», — диэн иһитиннэриигэ суруллар.

Ыарыылаах клещкэ ытыттарбыт дьахтар билигин Дьокуускай балыыһатыгар ыарахан туруктаах эмтэнэ сытар.