Ньурбаҕа дьону кулуттааһынынан холуобунай дьыала тэрилиннэ

Ньурбаҕа дьону кулуттааһынынан РФ Холуобунай кодексын 127.2 ыст. 2 ч. а пуунунан (использование рабского труда двух лиц с применением насилия и угрозой его применения) холуобунай дьыала тэрилиннэ диэн СӨ Силиэстийэлиир кэмитиэтэ иһитиннэрэр. 

Силиэстийэ дааннайдарынан, 30 уонна 51 саастаах эр дьону үлэлэтэргэ, көҥүл сылдьалларыгар бырааптарын кэспиттэр, кулут оҥосторго усулуобуйаны тэриммиттэр.

Эр дьон дьонтон тутулуктаах балаһыанньаҕа олорбуттар. Биирдэстэрин киһи олороругар сөп түбэспэт усулуобуйаҕа сырытыннарбыттар. Кини сүөһү көрөн олорбут, ол эрээри көҥүлүн хааччахтаабыттар.

Оттон иккис эр киһи үлэ биэрээччитин дьиэтигэр үлэлээн баран, муус устар 4 күнүгэр түгэни туһанан куоппут уонна көмө көрдөөбүт.

Холуобунай дьыаланан дакаастабыл баазатын оҥорорго силиэстийэ ыытыллар.