Ньурбаҕа эдэр киһи аймаҕыттан харчы уорбут

Ньурбатааҕы ИДьМ дьуһуурунай чааһыгар олохтоох киһи харчыта сүппүтүн туһунан сайабылыанньа суруйбут. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ суһал-ирдиир тэрээһиннэри ыытан, уорбаланааччыны быһаарбыттар. Бу эмсэҕэлээбит эр киһини кытта биир дьиэҕэ олорор 28 саастаах быраата эбит.

Быһаарыллыбытынан, эдэр киһиэхэ билэр дьахтара ыалдьыттыы кэлбит. Бииргэ арыгы иһэн бараннар, салгыы кафеҕа бараары гыммыттар. Ол эрээри эр киһи харчыта суох эбит. Онон убаайын кууркатын сиэбиттэн 15 тыһ.солк. уорбут. Ол харчынан кафеҕа арыгылаабыт.

Уоруунан холуобунай дьыала тэрилиннэ.