Ньурбаҕа Егоровтар дьиэ кэргэттэрэ социальнай хантараак көмөтүнэн спортивнай сааланы арыйдылар.
Эдэр дьиэ кэргэн аҕа баһылыга Василий Афанасьевич физкультурнай үөрэхтээх, Дьокуускайга хас да сыл фитнес-тириэньэринэн үлэлээбитэ. Онтон быйыл төрөөбүт дойдутугар баран, тренажернай сааланы арыйарга санаммыта.
Кэргэнэ Күөрэгэй эмиэ фитнес-тириэньэр, кини бу дьыаланы тута өйөөбүтэ. Күөрэгэй «Саха» тэлэбиидэнньэтигэр билигин көстө турар «Сайда тур, Сахам сирэ!» саҥа сериалга Ирма оруолун оонньообута.
Егоровтар Ньурба куорат киинигэр турар сааланы бэйэлэрин харчыларыгар куортамнаан баран, өрөмүөннээн саҕалаабыттара. Онтон Василий социальнай хантараак туһунан истэн баран, улуустааҕы социальнай көмүскэл управлениетыгар баран, хамыыһыйаҕа бырайыагын ситиһиилээхтик көмүскээбитэ. Онон судаарыстыбаттан 500 тыһыынча солкуобайы көмө ылбыта.
Алтынньы 27 күнүгэр «EgoFit» диэн тренажернай саала аһыллыыта үөрүүлээх быһыыга-майгыга буолла. Эдэр урбаанньыттары эҕэрдэлии доҕотторо уонна успуорду сөбүлүүр дьон муһуннулар.
Бу тренажернай саала сабыс-саҥа спортивнай тэрилинэн толору хааччыллыбыт. Ону тэҥэ, душтанар, таҥнар хостордоох. Уопуттаах тириэньэрдэр үлэлииллэр.
Тыа сиригэр да успуордунан дьарыктанарга, доруобуйаны тупсарарга аныгылыы, табыгастаах усулуобуйа баар буолара кэрэхсэбиллээх. Онуоха эдэр дьон ылсан, эрчимнээхтик үлэлээн-хамсаан иһэллэрэ олус үчүгэй!
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…