Ньурбаҕа эр киһи сүттэ

Бэҕэһээ, кулун тутар 23 күнүгэр, Ньурбатааҕы көрдүүр-быыһыыр этэрээккэ Хатыҥ-Сыһыы сэлиэнньэтин баһаарынай чааһын начаалынньыга өйүн сүтэрэр ыарыылаах 1957 с.т. эр киһи сүппүтүн туһунан иһитиннэрбит диэн СӨ Быыһыыр сулууспатын пресс-сулууспата суруйар.

Эр киһини көрдүүргэ этэрээт барыта туруммут. Ол кэмҥэ бу киһини 15 чааска Дьаархан диэки массыына илдьибитэ биллибит. Итиэннэ кини Ньурба куорат диэки айаннаан иһэр диэн быһаарыллыбыт.

Дьаархааҥҥа үс быыһааччыны ыыппыттар. Ньурба куоракка баар быыһааччылар эмиэ көрдүүр үлэни саҕалаабыттар уонна 17:30 чааска Лесная уулуссаттан эр киһини булбуттар. Кинини Ньурбатааҕы полиция тиксэрбиттэр.