Ньурбаҕа эр киһи сүттэ

Ньурба улууһугар 44 саастаах киһи сүппүтүн туһунан бэҕэһээ, от ыйын 21 күнүгэр, 22:45 чааска иһитиннэрбиттэр. Бу туһунан биэдэмистибэ пресс-сулууспата суруйар.

Быыһыыр сулууспа дааннайдарынан, эр киһи Чкалов сэлиэнньэтиттэн Бэрэ диэн күөлгэ илим үтэ барбыт уонна төннүбэтэх. Ууттан тыытын, илимин булбуттар.

Ньурбатааҕы быыһыыр-көрдүүр этэрээт икки быыһааччыта быһылаан буолбут сиригэр барбыт.