Хаартыска: Андрей Сорокин, СИА
Ньурба куоратыгар Степан Васильев аатынан Култуура уонна сынньалаҥ пааркатыгар бүгүн “Түмэр түгэн – 2023” өрөспүүбүлүкэтээҕи ыччат бэстибээлэ саҕаланна. Тэрээһиҥҥэ Саха сирин Ил Дархана Айсен Николаев кытынна.
Ил Дархан Ийэ дойдутун көмүскээһиҥҥэ уонна өрөспүүбүлүкэтин сайыннарыыга кыттар Саха сирин аныгы көлүөнэ ыччатынан киэн туттарын бэлиэтээтэ.
“Бу уустук кэмҥэ Ийэ дойдутугар бэриниилээх, дьиҥнээх патриот ыччат баар. Кинилэринэн киэн туттабын. Бары бииргэ түмсэн, сайдыы саҥа түһүмэҕэр тахсыахпыт диэн эрэнэбин”, — диэтэ Айсен Николаев.
Эрэгийиэн баһылыга маннык тэрээһиннэр ыччаты сомоҕолуулларын, бэйэлэрин бырайыактарын торумнуулларыгар кыаҕы биэрэллэрин бэлиэтээтэ.
Бэстибээли арыйыыга Ньурба улууһун баһылыга Алексей Иннокентьев аныгы ыччат Ийэ дойдутугар бэриниилээҕин бэлиэтээтэ.
Бэстибээлгэ Олимпийскай оонньуулар боруонса призердара, Европа үс төгүллээх чөмпүйүөнэ, боксаҕа Арассыыйа хас да төгүллээх чөмпүйүөнэ Георгий Балакшин кыттар.
“Бу ыарахан кэмнэргэ бары түмсүүлээх буолуоҕуҥ уонна дойдубут, өрөспүүбүлүкэбит сайдыытыгар көхтөөхтүк кыттыаҕыҥ”, — диэн ыҥырда Георгий Балакшин.
“Түмэр түгэн – 2023” өрөспүүбүлүкэтээҕи ыччат бэстибээлэ атырдьах ыйын 16-17 күннэригэр ыытыллар.
Бу чэрчитинэн үөрэххэ, успуорка, култуураҕа, муниципальнай сулууспаҕа, волонтердарга, урбааҥҥа аналлаах тиэмэлэргэ үөрэтэр былаһааккалар үлэлиэхтэрэ.
Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа Бэстээххэ учаастактааҕы балыыһа саҥа дьиэтэ…
Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…
Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…
Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…