Ньурбаҕа Евгения Спиридонова клубниканы сылы эргиччи үүннэрэр былааннаах

Ньурба улууһугар норуот көҕүлээһинин сылын чэрчитинэн тыа хаһаайыстыбатын эйгэтигэр барыта 43 бырайыагы көмүскээбиттэрэ.

 Билигин тыа хаһаайыстыбатын департаменын үлэһиттэрэ түмүктэрин көрдөрөн, үлэни  саҕалаабыт дьону кытары көрсө сылдьаллар.
Ньурба куоратыгар Спиридонова Евгения Георгиевна 400 000 солк. суумалаах көмө харчы ылан тэпилииссэ  туттан, анал оборудование атыылаһан клубника олордуутунан дьарыктанан саҕалаабыт. Билигин даҕаны аһын биэрэ турар эбит. Бу үүннэрэрин таһынан бэйэтэ клубникаттан букет оҥорон нэһилиэнньэҕэ атыылыыр. Евгения Спиридонова былаана киэҥ, эһиил сылы эргиччи үлэлиир тэпилииссэ  туттан үлэлэтиэн баҕарарын эттэ, — диэн улуус баһылыга Алексей Иннокентьев телеграмҥа ханаалыгар суруйда.