Ньурбаҕа икки киһини сокуоннайа суохтук хаайбыттарын туһунан иһитиннэрии тула бэрэбиэркэ саҕаланна

Ньурба улууһугар олохтоох киһи икки киһини сокуоннайа суохтук хаайбытын туһунан иһитиннэрии тула процессуальнай бэрэбиэркэ саҕаланна диэн СӨ Силиэстийэлиир кэмитиэтэ иһитиннэрэр.

Силиэстийэлиир уорганнарга Ньурба улууһугар икки эр киһини сокуоннайа суохтук тутан олорбуттарын туһунан информация киирбит.

Бу иһитиннэрииннэн Ньурбатааҕы силиэстийэлиир отдел бэрэбиэркэни ыытар. Туох буолбутун быһаара сылдьаллар, ыйыталаһаллар, көрөллөр-истэллэр.

Бэрэбиэркэ түмүгүнэн быһаарыныы ылыныллыаҕа.