Хаартыска: Алексей Иннокентьев ТГ-ханаала.
Бэс ыйын 16 күнүгэр Ньурбаҕа «Центррегионводхоз» федеральнай тэрилтэ «Ленарегионводхоз» Саха сиринэээҕи филиалын бэрэстэбиитэллэрэ тиийэн үлэлээтилэр.
Бу туһунан улуус баһылыга Алексей Иннокентьев бэйэтин телеграм-ханаалыгар маннык сырдатта:
«Уу ресурсаларын харыстабылын отделын салайааччыта Валерий Габышев уонна оперативнай дьуһуурунай Тамерлан Матвеев улуус нэһилиэнньэтин олоҕун-дьаһаҕын хааччыйар сулууспа салайааччыта Афанасий Кириллин уонна Ньурбатааҕы көрдүүр-быыһыыр этэрээт икк байыаһа Сата арыытыгар муус харар кутталлаах учаастагын баран көрдүлэр. Сыл аайы халаан саҕана Сата арыытыгар муус харарын билэбит. Бу кэмигэр өрүс уута хаайтаран, уу таһыма үрдээн өрүс үрдүнээҕи нэһилиэнньэлээх пууннарга кутталы үөскэтэр. Быйыл саас былырыыҥҥы ыксаллаах түгэн хатыламматын туһугар, Сата арыытыгар мууһу кэбирэтиигэ үлэни ыытарга үбү көрбүппүт. Бу түмүгэр быйылгы халаан этэҥҥэ ааста. Өрөспүүбүлүкэ таһымыгар боппуруоһу күүскэ туруоран, инникитин Сата арыытын таһынан мууһу хараарыы үлэтин судаарыстыбаннай туһааннаах тэрилтэ ыытарын туруорсабыт. Ол иһин исписэлиистэр анаан кэлэн үөрэтэн-чинчийэн бардылар. Быһаарыы ылылыннаҕына кэлэр сыллартан бу үлэ былааҥҥа киллэриллэн, федеральнай үбүлээһин көрүллэр кыахтаныаҕа«.
Сиһилии билсэр сигэ: https://t.me/glavanyurbainnokentev/5961?single
Ахсынньы 3 күнэ - хааннаах кыргыһыыга охтубут, ааттара биллибэт саллааттары барыларын ахтан-санаан, кэриэстээн ааһар күммүт.…
Бүгүн Өймөкөөн улууһун муниципальнай нэһилиэктэрин уонна оробуочай бөһүөлэктэрин сайыннарыыга туһуламмыт киэҥ ыҥырыылаах стратегическай сиэссийэҕэ кэккэ…
Бу сыл саҕаланыаҕыттан Саха сиригэр 4 тыһ. тахса бэйдиэ сылдьар ыты туттулар, онтон аҥаарын --…
2025 сыл саҕаланыаҕыттан Дьокуускай куоракка тахсыбыт суол саахала былырыыҥҥы бу кэминээҕини кытары тэҥнээтэххэ 8,3%, эчэйии…
Бүгүн Дьокуускай куорат оскуолаларын бүтэрээччилэрэ, атыттары сэргэ, түмүктүүр өйтөн (аахпыттан) суруйууну толордулар. Бу үлэни ситиһиилээхтик…
Дьокуускайга куорат дьаһалтата сылаас тохтобуллары былаан быһыытынан оҥорор. Бу соторутааҕыта Залог оройуонун тиһэх тохтобулугар --…