Ньурбаҕа «КамАЗ» уонна«Toyota-Isis» массыыналар харсыстылар

Атырдьах ыйын 19 күнүгэр сарсыарда 11:40 чаас саҕана Ньурбатааҕы полиция отделын дьуһуурунай чааһыгар Ньурбинка үрэх муостатын таһыгар суол-тырааныспар саахала буолбутун туһунан иһитиннэрии киирбит.

ДПС нэрээтэ быһаарбытынан, 1989 с.т. суоппар, «Toyota-Isis» массыынанан Ньурба куорат Чусовской уулуссатынан айаннаан иһэн утары балаһаҕа тахсан, 1978 с.т. суоппар ыытан испит «КамАЗ» 6520-06 массыынатын кытта харсыспыт.

Суол быһылаанын түмүгэр «Toyota-Isis» суоппара эт-хаан араас эчэйиитин ылан, Ньурба балыыһатын хирургическай отделениетыгар киирбит.

Суол-тырааныспар быһылаана тахсыбыт түбэлтэтинэн бэрэбиэркэ ыытыллар, диэн СӨ Госавтоинспекциятын пресс-сулууспата иһитиннэрэр.