Ньурбаҕа көрбөт инбэлииттэн харчы уорбут дьахтар силиэстийэтэ түмүктэннэ

Ньурбатааҕы оройуоннар икки ардыларынааҕы силиэстийэлиир отделениетын мунньубут дакаастабылларынан 42 саастаах дьахтарга суутунан бириигэбэри таһаарарга быһаарыы ылылынна. Дьахтар баан счетуттан харчыны уорууга буруйдааҕынан ааҕылынна.

Саха сиринээҕи Силиэстийэлиир кэмитиэтин пресс-сулууспатын иһитиннэриитинэн, силиэстийэ түмүгүнэн 2025 сыл олунньутугар көрбөт инбэлиит дьахтары көрөр-истэр дьахтар таксыы ыҥырабын диэн төлөпүөнүн туһаммыт, ону кытта баан сыһыарыытынан харчыны уорбут. Уоруллубут харчыны дьахтар бэйэтин баҕатынан туһаммыт.

Харчы уоруллубутун туһунан эмсэҕэлээччи инбэлиит дьахтар биэнсийэтин сууматын билэр буолан, балтытыттан сууманы чуолкайдаан ыйыппытыгар билбит. Эмсэҕэлээччи дьахтар уоруу тахсыбытын туһунан бэйэтэ Ньурбатааҕы ИДьМ отделениетыгар тыллаабыт.

Силиэстийэлээччилэр буруйдаах дьахтары туппуттар. Силиэстийэ кэмигэр буруйданааччы хоромньу сууматын толору төнүннэрбит. Суут бириигэбэринэн хомуллубут дакаастабылга олоҕуран, дьахтар буруйдааҕынан билиниллэн, уопсай холуонньаҕа 1 сыл 2 ыйга көҥүлэ быһылынна.