Ньурба улууһугар Маалыкайга уонна Хатыыга бырабыыталыстыба отчуоттара ыытылыннылар. Ньурба улууһун баһылыга Алексей Иннокентьев 2027 сылга Куоначчаан үрэҕи туоруур күргэ тутуута түмүктэнэрин туһунан иһитиннэрдэ.
Бу Маалыкай уонна Хатыы нэһилиэктэри оройуоннааҕы киини кытта тырааныспар ситимин тупсарар кыаҕы үөскэтиэҕэ. Билигин ити нэһилиэктэргэ сааскы халаан кэмигэр, суол суоҕунан, тиийэр кыах көстүбэт. Уустук тырааныспар логистиката сайынын эмиэ бэлиэтэнэр.
Саха сиригэр быйыл Владимир Путин көҕүлээбит «Куттала суох хаачыстыбалаах суол» национальнай бырайыак чэрчитинэн, 175 км устаалаах суолу үлэҕэ киллэрии былааннанар. Онуоха федеральнай бүддьүөттэн 8 млрд солк. тахса үп-харчы көрүллүөҕэ: өрөспүүбүлүкэ суолларыгар 6 млрд солк. тахса уонна киин куорат суолларыгар 2 млрд солк. кэриҥэ.
Маалыкайга уонна Хатыыга ураты сылгы боруодатын иитиинэн дьарыктаналлар. Билигин сылгы турар баазаны тутуута быһаарыллар. 2025 сылга диэри сылгы ахсаанын 700-кэ тиэрдэр баҕалаахтар.
Мунньахха нэһилиэктэр инники кэскиллэрин сайдыытыгар торумнарын дьүүллэстилэр. Маалыкайга кыбартаалынай хочуолунай эбийиэгин тутуохтара. Ону сэргэ тыа сиригэр гаас сапыраапкатыгар анаан туһааннаах сир учаастагын биэрбиттэр. Сапыраапканы улуус дьаһалтатын көмөтүнэн олохтоох урбаанньыттар тутан үлэҕэ киллэриэхтэрэ.
Хатыы нэһилиэгин олохтоохторо оҕо уһуйаанын уонна өрүскэ киирии суолу өрөмүөннүүр наадатын туһунан боппуруоһу көтөхтүлэр. Бу кыһалҕалар олохтоох дьаһалталар иннилэригэр туруоруллубут соруктар испииһэктэригэр киллэрилиннилэр.
Ону таһынан олохтоохтор бырабыыталыстыба бэрэстэбиитэллэрин кытта көрсүһүүгэ уот ситимин кыамтатын улаатыннарыыны, сибээс хаачыстыбатын үрдэтиини, мэдиссиинэ уонна педагогическай каадырдарынан хааччыйыы боппуруостарын көтөхтүлэр.
Саха Өрөспүүбүлүкэтин уонна Бырабыыталыстыбатын пресс-сулууспата
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…