Ньурбаҕа маҕаһыын атыыһыта 25 тыһ.солк. уорбута биллибит

Ньурбатааҕы ИДьМ дьуһуурунай чааһыгар маҕаһыын хаһаайына ревизия кэмигэр 25 тыһ.солк. итэҕэһин бэлиэтээбитин туһунан иһитиннэрбит. Бу туһунан СӨ ИДьМ пресс-сулууспата суруйар.

Суһал-ирдиир үлэлэр ыытылланнар, холуобунай ирдэбил үлэһиттэрэ уорбаланааччы дьахтары быһаарбыттар. Уорууга маҕаһыын атыыһыта, эрдэ сууттана сылдьыбыт 33 саастаах атыыһыт дьахтар уорбаланар.

Быһаарыллыбытынан, бу дьахтар сыл устата каассаттан  кыра-кыралаан харчы ыла сылдьыбыт. Ол харчыны бэйэтин наадаларыгар бараабыт.

Уоруунан холуобунай дьыала тэрилиннэ.