С.Львова хаартыската
Ньурба улууһугар алта оҕолоох дьиэ кэргэн ийэлээх аҕалара аргылаабыттар уонна оҕолорун кырбаабыттар. Бу туһунан Саха сиринээҕи ИДьм пресс-сулууспата иһитиннэрэр.
Полиция учаастагар элбэх оҕолоох дьиэ кэргэн иһигэр бөрүкүтэ суох олох-дьаһах олохтоммутун туһунан информация киирбит. Этиллибит аадырыска тиийбит учаскуобай дьиэҕэ сааһын ситэ илик алта оҕону кытары кинилэр итирик туруктаах ийэлээх аҕалара олороллорун чахчылаабыт.
Дьиэҕэ ас-үөл суох, 1 сааһыттан 14 сааһыгар диэри оҕолор аччык олороллор эбит. Үс оҕо этигэр-сиинигэр кырбааһын бэлиэтэ баарын бэлиэтээбит. Оҕолору балыыһаҕа илдьибиттэр.
Быраастар 7 саастаах инбэлиит кыыс оҕо этигэр-сиинигэр хас даҕаны уотунан сиэтии баарын булбуттар. Бу курдук эчэйиилэр 10 саастаах уолга эмиэ баара көстүбүт. Психологы кытта кэпсэтиигэ оҕолор ити бааһырыылары аҕалара оҥорбутун эппиттэр – эр киһи оҕолорго табах уотун умулларар эбит. Онтон 14 саастаах уол хараҕар көҕөрүүлээх. Оҕолор ийэлэрэ бу түктэри быһыыланыыны тохтото сатаабатах.
Ыал ийэтэ “Сааһын ситэ илик оҕо иитиитин сөбө суохтук толоруу” ыстатыйанан холуобунай эппиэтинэскэ тардылынна. Эр киһини “Соруйан доруобуйаҕа чэпчэки эчэйиини оҥоруу” ыстатыйанан эппиэккэ тартылар. Полиция үлэһиттэрэ буруйу оҥорооччу оҕолору өр кэм устата сордообут буолуон сөп диэн уорбалыыллар, оччоҕуна буруйданар ыстатыйата эбиллиэн сөп.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…